Presentación do reto a todo o cole, por parte dos Representantes do Club de Convivencia, no Día da Infancia.
Contaron a Historia de Sadako Sasaki e as mil grúas de papel e preguntaron se aceptaban o reto de intentar facer 1000 para o Día Escolar da Non Violencia e a Paz para poder conseguir un desexo de corazón. O resto do cole aceptou o reto sen dubidalo!!
A HISTORIA DE SADAKO E AS MIL GRÚAS
Segundo unha lenda xaponesa, o teu maior desexo farase
realidade, se constrúes mil grúas de papel.
A consigna de crear grúas de papel na loita pola paz,
remóntase á historia dunha das pequenas vítimas da bomba de Hiroshima durante a
Segunda Guerra Mundial.
Sadako Sasaki tiña dous anos cando caeu a bomba en Hiroshima,
cidade na que vivía. Foi o 6 de agosto de 1945. Dez anos máis tarde (cando tiña
12 anos), como consecuencia da irradiación que lle produciu a bomba de Hiroshima,
os médicos diagnosticáronlle leucemia.
Cando a pequena Sadako estaba no hospital recuperándose
da súa enfermidade, a súa amiga Chizucho explicoulle a historia das mil grúas
de papel.
A historia consiste en que se desexas algo de corazón e
constrúes mil grúas de papel os deuses concederanche ese desexo que tanto anhelas.
Foi así como Sadako desexou curarse da súa terrible enfermidade
e para iso propúxose construír por si mesma mil grúas de papel, aínda que non
logrou conseguilo, porque faleceu moito antes de poder acabalas todas. Morreu
en outubro de 1955 e só conseguira encartar 644 grúas de papel.
Tres anos máis tarde da morte de Sadako, os nenos e nenas de toda a cidade
de Hiroshima dedicáronlle unha estatua, onde aparece ela cunha grúa na súa man.
A estatua está no Parque da Paz de Hiroshima co lema: «Este é o noso berro,
esta é a nosa petición: paz no mundo».
"Moita xente pequena, en lugares pequenos, facendo cousas pequenas, pode cambiar o mundo. "
Eduardo Galeano.
#obxectivo30xaneiro
Comentarios
Publicar un comentario