Vigo, 20 de novembro de 2019. Día Internacional da Infancia
Prezados nenos e prezadas nenas do Valle-Inclán:
Este curso dende o Club de Convivencia propoñemos o seguinte reto:
“Elaborar mil grúas de papel para
poder pedir un desexo de corazón.”
Para elo precisamos da vosa axuda. O Club de Convivencia
e, todos e todas os que queiran colaborar, colocarán no cole e no barrio varias
caixas para que quen o desexe poida deixar grúas de papel que logo
recolleremos. Estas grúas poden ser de diferentes, cores e tamaños. Temos de
prazo ata o 30 de xaneiro, Día
Escolar da Non Violencia e a Paz.
Pero as grúas soas non teñen sentido. Necesitan un desexo de corazón que cumprir.
Por elo, entregarémosvos unha folla onde cada un de vós
terá que escribir o seu desexo e o seu compromiso para conseguir o mundo que
queremos.
#obxectivo30dexaneiro:
O mundo que queremos.
Imos colocar unha caixa de correo dos desexos no cole, ao
lado da porta de secretaría, e preto de Valle-Inclán. Alí deixaredes os vosos
papeis cos vosos desexos para construír un mundo mellor.
O día da Paz escolleremos o que acompañará as nosas grúas a Xapón o 6 de
agosto, data escollida por ser o día do bombardeo de Hiroshima, e para lembrar
que estas barbaridades non se poden repetir.
Na web do cole tendes os enlaces ao vídeo de Sadako e as mil grúas de papel
e un vídeo-titorial para aprender a facer as vosas grúas.
Ánimo que nos tocan moitas a cada un!!! Lembrade que entre
todos faremos un mundo mellor. Porque como dixo Eduardo Galeano:
MOITA
XENTE PEQUENA, EN LUGARES PEQUENOS, FACENDO COUSAS PEQUENAS, PODE CAMBIAR O
MUNDO.
Comentarios
Publicar un comentario