RETO 2024. 1.000 ACCIÓNS POLO DESARME E A PAZ

#OBXECTIVO5DEMARZO. O MUNDO QUE QUEREMOS

1.000 ACCIÓNS POLO DESARME A PAZ

Un ano máis esta comunidade educativa, comprométese a asumir un reto para mellorar o mundo no que vivimos e achegarnos un chisquiño máis ao mundo que queremos.

O primeiro ano foi conseguir mil grúas de papel como Sadako Sasaki, o segundo, 1000 árbores como Wangari Maathai, o terceiro 1000 quilos de doazóns para as protectoras como David Attenborough, o cuarto 1000 esculturas como Judith Scott, e este quinto reto queremos conseguir 1000 accións en prol do desarme e a paz, seguindo o legado de Anna Frank. Ata agora conseguimos todos os retos que nos propuxemos, por que ía a ser menos este ano?

Polo tanto, e en memoria de aquelas persoas que, como Anna, perderon a súa vida nunha guerra, comprometémonos a traballar para o desarme sendo unha “comunidade pacifista”, custodia e benfeitora da paz e do benestar das persoas en calquera parte do mundo.

Para contribuír a un mundo sen armas presentamos un novo reto para o que precisamos a vosa axuda:

-     Queremos recoller xoguetes que sexan armas para reciclar. Teremos como punto de recollida o noso centro educativo, a asociación de veciños do Calvario, Caracatús Escola de Familias e outros lugares que se queiran unir a nosa causa.

-     Faremos unha carreira solidaria no cole o 4 de marzo, en favor de Save the Children, para a que os nosos e as nosas pequenas corredoras precisarán patrocinadores.

-     Faremos un Encontro Solidario o domingo 3 de marzo ás 11:00 no Parque de Castrelos onde xunt@s sumemos quilómetros pola paz e o desarme en colaboración con Oxfam Intermon, ACCEM e Asociación de Ucranianos en Galicia Girasol.

-     Na semana do 26 ao 1 de marzo faremos unha xornadas de sensibilización no centro a cargo de Intermon Oxfam, ACCEM e Asociación de Ucranianos en Galicia Girasol.

-     Faremos unha feira solidaria de 5 ao 7 de marzo para recadar fondos para estas ONG.

Temos de prazo para conseguir as mil accións ata o 5 de marzo, Día Internacional de Concienzación sobre o Desarme e a Non Proliferación

Aceptades o reto?

Sumade accións con nós!!

 

Se queredes colaborar podedes contartarnos en ceip.valle.inclan.vigo@edu.xunta.gal

 

#OBXECTIVO5DEMARZO. O MUNDO QUE QUEREMOS.