A MALNUTRICIÓN NON É UNHA CAUSA PERDIDA: O PODER DOS CACAHUETES

QUE É A DESNUTRICIÓN?

Desde a Fundación Save the Children, hai máis de 100 anos, un dos nosos piares básicos foi procurar a supervivencia de nenos e nenas en situacións de vulnerabilidade. Os conflitos ou as consecuencias do cambio climático poden levar a infancia ao límite e a desnutrición é a súa consecuencia. Esta non é unha causa perdida e pódese previr e tratar. 

A malnutrición pode ser crónica ou aguda, dependendo do tipo de alimentacion, sendo a crónica causada pola inxesta de alimentos pobres en nutrientes durante moito tempo, e a aguda desenvolvida por comer moi pouca cantidade de alimentos durante semanas. 

Ademais, un neno ou nena con desnutrición é máis proclive a sufrir enfermidades como a diarrea ou o cólera, posto que o seu sistema inmune está moi debilitado, o que pode complicar aínda máis a súa situación. 

Podedes ampliar a información con estes breves vídeos sobre o tema:

Se queres saber máis: preme aquí.

Actualmente 16 millóns de nenos e nenas menores de 5 anos enfróntanse á desnutrición aguda grave cada ano e, co poder do cacahuete, podemos tratalos. 

A fame si ten cura.

O PODER DOS PEQUENOS XESTOS

5 PREGUNTAS SOBRE A PASTA DE CACAHUETE 

A pasta de cacahuete fai marabillas e por iso a utilizan para tratar nenos e nenas con desnutrición. Pero, ¿que ten de especial? Contámosvolo a través destas cinco preguntas e respostas: 

1. Que é o Alimento Terapéutico Listo para Usar (RUTF, polas súas siglas en inglés) ou, como nós o chamamos, sobres de pasta de cacahuete? 

Componse dunha mestura de manteiga de cacahuete á que se lle engade aceite vexetal, leite en po, proteínas de alta calidade, vitaminas e minerais. Esta mestura de alta enerxía (500 Kcal por sobre) absórbese no corpo á velocidade do raio, polo que un neno desnutrido volve fortalecerse en 4-6 semanas. 

2. Por que é tan útil a pasta de cacahuete? 

Aguanta máis de 2 anos sen refrixeración e pódese transportar e entregar facilmente, mesmo en lugares moi remotos. Pode consumirse directamente do envase, o que facilita que os nenos e nenas o coman por si mesmos e tamén é doado de dosificar. 

3. Como de rápido se recuperan os nenos e nenas que teñen desnutrición grazas aos sobres de pasta de cacahuete? 

Despois dun tratamento de dúas semanas, volven ter un peso normalizado. Despois continuamos dúas semanas máis para que recuperen forzas. Nos casos máis graves, o tratamento pode chegar a durar 8 semanas. Ademais da nutritiva pasta de cacahuete, os nenos e nenas reciben tamén atención médica para suprimir posibles infeccións como a pneumonía ou o sarampelo. 

4. Por que só se administra a nenos e nenas entre 6 e 24 meses de idade? 

Dáse prioridade a nenos e nenas de 6 a 24 meses porque son os máis vulnerables á desnutrición aguda pola falta de lactación ou por complicacións médicas. Antes dos 6 meses dependen do leite materno (ou, se non é posible, de apoio con leite en po), e despois dos 24 meses a súa dieta pode cubrirse mellor con alimentos locais diversos, aínda que en casos graves se pode manter o uso da pasta de cacahuete. 

5. Ao subir o prezo dos alimentos no mundo, tamén aumenta o prezo da pasta de cacahuete? 

Si. O aumento global dos prezos tamén encareceu os sobres de pasta de cacahuete e outros custos como o transporte. En Save the Children traballamos para asegurar que cada recurso se use en beneficio dos nenos e nenas.

COMO ATENDE SAVE THE CHILDREN AOS NENOS E NENAS CON DESNUTRICIÓN

O SEU TRABALLO EN 6 PASOS

1. Ten desnutrición? Primeiro fixámonos na súa condición física. Medimos o perímetro do seu brazo, pesámolo e medímolo.

2. Ten algunha outra complicación médica? Se é así, queda ingresado directamente.

3. Ten apetito? Preguntamos á nai polo seu apetito e ofrecémoslle alimento terapéutico. Se come máis de dúas culleradas sen forzalo, sabemos que seguirá comendo na casa sen problema.

4. Axudamos á nai. Axudamos á nai a mantelo ben alimentado e a que teña boa temperatura. Se o neno está débil, ensinamos á nai a manter a súa temperatura mediante contacto pel con pel, mantas e un gorriño. Dámoslle leite terapéutico e vitaminas para que llo administre cunha culler, sempre sen forzar.

5. Tratamos calquera complicación. Unha vez que o neno se estabiliza, tratamos calquera outra complicación médica. Tamén atendemos ás nais mentres están nos centros e dámoslles comida e suplementos vitamínicos.

6. Cando está mellor, enviámolo a casa. Unha vez que o neno se atopa mellor, a nai e o neno poden irse a casa co tratamento, e explicámoslles como subministralo e que facer se o neno empeora.

60€ Custa o tratamento completo desta pasta de cacahuete terapéutica para un neno ou unha nena: seis semanas de nutrición intensiva que lle salvan a vida.

40€ Poden proporcionar pasta de cacahuete de alto contido nutricional a 4 nenos durante 1 semana.

10 € Cobren 1 semana  para 1 neno/a.

Podes acceder ao Dossier completo aquí.